يا مصريا ام الرجالة بقلم الشاعرة منى العشري

 يا مصر يا ام الرجالة 
أم الإيدين الشقيانة 
هما اللى رفعوا السقالة 
وبنوا بأيديهم الهرم 
وكنا فخر للأمم 
تاريخنا محفور فى الزمن 
إحنا الحضارة عندنا 
إحنا المبادىء والقيم 
يا مصر قومى اتكلمي 
علمي العالم علمي
إحنا  الحضارة  عندنا 
تاريخنا موصول بالزمن 
يا مصر ذكرك ربنا 
فى آيات نازله من السماء 
إنك  الأرض الآمنة 
واللى يجيلك عابر سبيلك 
أو حتى مش من دمنا 
هيعيش بسلام على أرضنا 
واللى منك حر وأصيل 
حافظ كتاب  ربنا
أرض الأمان دى أرضنا 
الغريب عارف مكانا وإسمنا 
يامصر ياام الرجاله 
أم  الإيدين الشقيانة 
هما اللى رفعوا السقالة 
وبنوا ابو الهول والهرم 
٢٠/ ١٢ /٢٠٢٢
الشاعرة/منى العشرى

(مَصْر حبك أمر مش قرار!) بقلمي د. حنان أبو زيد

 

اقرأ وعيّد الحوار:
يا مَصْر حبك أمر مش قرار!!! ..
وبتصحي فـ عروقنا لهيب النَّار
حُسام حَسَن قَائد كَبِير مغوار..
واقِف بِيِشْعل الحماس شَـرار
والعَمِيد عـ الخَطّ يَزأَر كالأسد..
وبيَصْنع المَجـد للوطن، بْقَـرار
فـ المونديال شِالوا العَلم ..
وزلزلوا أرض المَطار
كُل الكِبار صَاحوا وراهم ..
الشَعب الجَـدَعْ كَـرَّر المَسار
يا مِصْر يا أرض الأُسود ..
يا فَخر طَاير فـ العَلالي
رِجَّالتك فـ المَلعب وُحوش ..
صَانعـين لِنا مَجـدك الغَالي
تَسديدة تِـقْطع كُل الشَكّوك ..
لَمْسَـة تَـرُدّ الرُّوح وتخليها تَلالي
صَلاح فـ المَلعب يِفوت ..
يَسْحر ويِعْمِل جولات لَـيَالِي
مَـرْمُوش بـ الـفِكْرَة السَّرِيعة ..
يَـقْـطَـع لِـنَا كُـلّ الـتَّـمَـالِي!
إزاي فـ لحظة مـ الضِّـياع ..
بِنْـرِّد بـ الـجُـول الـسَّـرِيع؟
إزاي نِـجـوم المـونديـال ..
بـقـوا جَـنْب جَدْعَنْـا قَـطِـيع؟
صَلاح وْمَـرْمُوش فـ الـهُجُـوم ..
مَـاخَـلّـوش حِـلْـمِـنَا يِـضِـيع!
سِـرِّك فـ إيـد بَـطَـل الـعَـرِين ..
وجعل الهزيمة خط أحمر منيع
هَـاتُوا الـبَـرازِيل هَـاتُوا نـيـمَـار ..
المَصْرِي ميعرفش خُوف، فارس مغوار
إِسْأَلوا الجَمَاهِير الغفيرة بالأُلُوف!
شَـابُّوه يَا رِجَّالَة البنيان والعَمَـار .. 
حَقَّقْتُوا حِلْم المستحيل والعالم فيكوا احتار.
و يا مَصر حبك أمر مش قرار!!!
#مصر_في_كأس_العالم #مصر_حبك_أمر_مش_قرار #المنتخب_المصري #المصريين #كأس_العالم2026