ازاي وانتِ العيد
لكل أيامي وسنيني
كنت بحتفل بيكي
وأنسى همومي
ولما بعدتي مني
وده كان غصب عني
زاد بالقلب حزني
والوحدة وجعتني
واليتم بعدك كسرني
مين غيرك يسأل عني؟
كنتِ في حضنك تضمي
خلاص ضاع حلم التمني
والكل بعدك يا أمي
قطع في جذوري وغصني
خاطري يا أمي انكسر
وماتت معاكِي الحنية
وقلبي خلاص انحسر
إزاي انسى حضنك
أو انسى عطرك الزهر
يا اغلى ما ليا ..
الربيع فقد زهره ببعدك
إزاي أنسى ريحة عبيرك
يا نقية يا حنونة يا طاهرة
يا شمس جوا الغيوم ظاهرة
ولما اغمض عينيا
وابقى في غفلة من الدنيا
ألاقي روحك حوالية ساهرة
وبإيديكي تلمسيني برفق ورقة
وفي عيونك ألف دمعة نازلة
يا حضن مليان دفا
وصدرك مليان وفا
وإيدك تدواي بالشفا
كل حزن ليا تتحملي
وبعصياني ليكي تغفري
و لا عمرك تزعلي مني
يا شايله في الدنيا همي
يا راضية بالقلب عني
في منامي ألاقيكي
ملاك في السما يغني
و بإيدك الطاهرة
تمسحي دمعي مني
ولجراحي تداوي ألمي
وإن غبت يوم عنك
روحك تطوف تسألي عني
تنصحيني و تحرسيني
وتشليني بعيونكِ وتسمي
وفي صلاتك تدعيلي وترقيني
يزول الهم والكرب عني
إيه أقولك عن زماني
بعد فراقك الكل رماني
بعد ما غبتي عني
مين بالحنان رواني
وبغيابك فارقتني الأماني
حتى الدنيا نسيتني
والغربة من غيرك وجعاني
ارجعيلي .. ارجعيلي
ارجعيلي يانن عيني
وفرحة عمري و زماني.
#حنان_أبو_زيد
ليست هناك تعليقات:
إرسال تعليق