بعد فوات الآوان.... حنان أبوزيد

مع مرور الأيام كل المعادن
بتنكشف وتنجلي وتبان
فيها الأصيل وفيها الجبان
ومنها الخسيس واللي مالوش أمان
والجميع مزيف مخلوط بألوان
واللي مجرد صور مرسومة على الحيطان
ومنها اللي قال باقي وسابك ندمان
وحيد في غربتك يا انسان 
واللي احتجته اليوم اغتابك
وقفل البيبان وتركك حيران
سابك حزين عريان، بردان
لا كان همه تنزل دمعك على خدودك 
ولا فرق معاه تكون جعان أو عطشان
ولا حتى افتكرك وانت بعيد
ده نسيك حتى في ليالي العيد
ولا افتكرك وانت بالقرب منه تعبان
واتفرج عليك وانت مهموم و شريد
أقول تستاهل، مهو انت اللي جاهل
مش اي أحد تقول عليه راجل
الرجولة فعل مش كلام عاجل
والجهل بيبقى جوة القلوب داخل
ياداخل الدنيا باكي هتخرج منها شاكي
أما تفوز بالأخر أو تخسر كل اللي باقي
فكر شوية في اللي حبك ما هو ده
اللي هيكون معاك باقي
مش هيهرب منك أول متحتاجه
ولا ممكن أبداً يرميك لو دقيت على بابه
الحب مش كلمة ولا لحظة وتعدي
ده الحب حياة وهنسيبها يوم ونعدي 
اشتري فيها اللي يشتريك
وبالغالي يتمنك وبعيونه يحميك
وبين رموشه يخبيك و يغطيك
واللي يبيعك اوعى تفكره تاني بيك
ده كان من الأصل عمره ما كان ليك
وأه يا انسان هتعرفه بس بعد فوات الآوان.
#حنان_أبو_زيد