اقولك الحقيقة.... حنان أبوزيد

عايز تعرف الحقيقة ولا أداريها عليك
بس جوة قلبي كلام يوجع كتير
لو حكيتهولك هتبكي دمع كبير
ولا يمكن يصحي جواك الضمير
أو يكون هو ده السر الخطير
خبيته عنك مش عايزة أجرحك
لكن لو عرفته لا يمكن أبداً يفرحك
عشت معاك أداريه لاجل أريحك
كنت بتألم وخارسة صوتي لتسمعه
عشان الحب الكبير اللي انت بتضيعه
ولا جيت على نفسك يوم لاجل ترجعه
خلتني واحدة معرفهاش تابعة ليك
كنت عايشة زمانك بس عشان أرضيك
لكن الحقيقة لا كنت يوم ليا
ولا كنت يوم ليك
انت وهم وعشته عشان أواسيك
ماليش قيمة عندك وبهون دايماً عليك
كنت قاسي والقسوة طبع فيك
واللي عاشت بالقرب منك 
كانت صورة تانية مش منك
لازم ترجع لزمانها وقلبها
قلبها اللي ضمنته انت بايديك
يمكن تشوفك بعيون تانية ساعتها
أو تمر من تاني صدفة بطريقها
تدور وشها لما تشوف تاني عينيك
لانك لا كنت يوم ليها 
ولا كانت يوم ليك.
#حنان_أبو_زيد