أغنية (غاب يومين) .... بقلم الشاعر المبدع حربي علي

غاب يومين . والتالت جاني
شفته  جاني .    إتهز  كياني
لقيت نفسي .  حلوة  بتجري
نادت  قلبي /  صحت  عمري
خرجت .   م العصر الحجري
دخلت  وريدوا .    وشرياني

قلتله .  كنت  فين    ياعنية
قالي الصحة.  بعافية شوية
قلت .   ألف   سلامة   عليك
ياريتني. عيون  أتوجع  فيك
قالي  .  بعد الشر      عنيك
ولقيت  روحي .  رجعت تاني
غاب يومين .   والتالت جاني

جاني  الطيب .    نور / نووور
نوره   زاد  القلب .        شعور
خدنا / إدينا   في أحلى كلام
عشت غرام.  ولا في الأحلاام
شفت  معاه .       أجمل  أياام
شفت بعيني. حاجات عجباني
غاب يومين .    والتالت جاني
شفته   جاني .   إتهز  كياني

كلمات
حربي علي
شاعرالسويس