فتح عينيك لقلوب بتصونك وبتحبك
واقفل عيونك للي يعذب قلبك
ويبكيك ويبيعك ويهدك..
يا ابن أدم بص للي شاريك ويعزك
واقفل قلبك عن الغادر اللي يغشك
لو كان فيه خير مكنش خان اللي قبلك
الدنيا دوارة وبتلف في دواير
يوم تعطيك ويوم تسحب منك شكاير
متخليش وهمك هو اللي يشدك
ده الأصيل واضح ملامحه ومش
محتاج تبرر عذرك لخسيس عندك
طهر حياتك منه ده وباء وصابك
الوحدة أحسن مهو قلبك الطيب عيبك
كان نصيب وخلص وانتهى وراح لغيرك
صدقني اللي يحبك عمره ميبعد ويسيبك
خبي نفسك جوا الشقوق لا يلمح طيفك
وترجع تحن لحب مزيف سمم بيه روحك
ابعد عن المرض واشفي بعيد جروحك
مع اللي دايما معاك يسندك ويشيل همك
مش ماليه الحقد ويغل من طبعك
فوق بقى أديك عرفت القصة
والكل عارفينها
ده كاس زي نار جهنم الكل واردها
متصدقش فيها كل اللي يتقال
ولا كل من غنى وقال فيك موال
يبقى في الأساس مش بيحبك
ده مغنواتي وشغلته الترحال
من حد ليك ومنك لسميع تاني غيرك
مهو اللي بيسمعوا كتير والمغني واحد
والعيب مش فيه ده العيب فيك
انت وفي غيرك.
#حنان_أبو_زيد
ليست هناك تعليقات:
إرسال تعليق