حلال عليه.... بقلم شاعرة العامية المبدعة / حنان الجوهري

جميل وروحى عشقته 
وهويت برآءته ورقته 
وحنينه و جنون لهفته
ف نظرة عنيه 
اه من جماله ف الغرام
قال كل حاجه بدون كلام
صحى المشاعر والهيام 
علقنى بيه 
 سلمته قلبى من سكات 
حبيت معاه كل الحاجات 
حلو الملامح والصفات
 والخير ماليه
حسيت ف حضنه بالأمان
ولقيت معاه كل الحنان 
وفرحت ونسيت اللي كان 
وانا بين إديه
فجاءة صبح  طوق النجاه 
وف لمسته نبض الحياه 
لو عمرى كله يروح فداه
حلال  عليه

#حنان_الجوهرى