متغربين..... بقلم شاعر العامية المبدع محمد عامر

لأمتي هنفضل ..... متغربين
تعبنا فيكي ياغربه وراجعين
لوطنا ياغربه . تاني وللغلين
ولحبايب قلبي  وضي العين
ياغربه كلك ........ أسوه ومرار
مش فرقه معاكي  ليل من نهار
جينا فيكي ياغربه وإحنا صغار
وضاع العمر فيكي . وبقينا كبار
ضاع الشباب والبعد عن الأصحاب
غربه غداره ............ وزمن قلاب
راجعين تاني للأهل والأحباب
كفايه كده  ياغربه بقي عذاب
فيكي الندل  .. والخسيس والكذاب
فيكي الراجل الشهم وأعز الأصحاب
فيكي اللي بيقول يله نفسي
ويدوس علي . غيره ويعدي
وناس تبيع ضميرها علشان المال
ومن الحلال والحرام تأكل العيال
ي غربه فيكي العجب ألوان وأشكال
والشقي فيكي .. ليل ونهار شغال
والوحده فيكي .. والله تهد جبال
شفنا فيكي اللي ما يخطر ع بال
حرام عليكي إرسي بنا علي حال
وكل واحد فيكي له قصه وموال
تغورى ياغربه ويغور كمان المال
اللي يجي منك ... ياغربه بإزلال  
....
متغربين   2019/3/24
بقلم/الشاعر محمد عامر