لازم أعيش... بقلم الشاعرة أمل محمود عبدالرازق

خلي دايما سكتك في الإتجاه 
وخلي النبض جوه قلبك متخافيش
اوعي مره تكوني صورة من إفيش
حصني قلبك بقوة
واوعى مرة تكوني صفقة ماتنتهيش
تبيعي قلبك بالرخيص
وتكوني ضحية تاكل علشان تعيش
بيدفعوكي دايما للحرام
 وللمعاصي ادخلي ومتنقشيش 
بيقولولك غمي عينك واسمعي
واوعي مرة تقولي ليه أو مليش
انفضي عنك سواد الليل
واسبقي خطوة تبعدك عن التهميش
اركبي سكة سلامة توجهك
ناحية شروق الشمس مترجعيش
خلي قلبك يدفعك متفكريش
هتلاقي ناس بتعطلك
شقي طريقك واهربي ومتبصيش
وخلي قلبك من حديد
واجهي حياتك دنيتك ومتهربيش
لازم تعافري ولازم تأوحي
لازم تواجهي دنيتك لو ألف جيش
دا الحب باين ع الوشوش
والعقل من تحت  الاختيار مش حب طيش
لازم أغير دنيتي متسألنيش
دا الصبر ولع في الحشا
وآن الأوان أرسم طريقي وسكتي
ولازم أعيش لازم أعيش
بقلم /  امل محمود عبد الرازق 
سفيرة السلام