فوق الإحتمال... بقلم الشاعر سمير صبري

كان ليل طويل بيعدي
فوق ضهر النهار المبتدا
واللي بدا يظهر يطل برقته
وقمرنا كاشف سكِته
عاللي حصل واللي جرى
إيه ياترى؟؟؟؟؟
واقفين هناك مستغربين 
متعشمين في قلوب 
وناسها طيبين
والليل هناك بيعدي 
مش شايف غير
النور والمدى
واللي ابتدا يمشي 
في درب العاشقين 
بيشوف جمال النور 
والروح معاه بتونسه 
كل الصعاب المؤلمه
واقفه هناك مستسلمه
بتمد ايدها من سكات
وبتترمى ف حضن النهار 
يمسح قساوة قلبها
وبيظهر النور والجمال 
يملا الفضا ويزين
الروح بالدلال
من بعدها طلع النهار
واتزين الليل بالفرح
بعد اما كان عمره حزين
يمشي في دروب العاشقين
حزن وأسى فوق الاحتمال
عاش بيه هِناك قلب انجرَح 
بقلمي / سمير صبري