تحية شهيد .... بقلم الشاعر المبدع/ ابراهيم احمد العزوني

كل نقطة دم يا ارضى
لكى وفداكى
انا اموت فدا عرضى
واموت يامصر فداكى
ودم الشهيد فيكى
عمره ماراح هدر
ولما مات فيكى ياسينا
كانت دى لعبة قدر
انه يموت عشان يعيش
ويقول لكل الناس
ويزعق بأعلى صوت
انا ابن الجيش
قولوا لأبويه
ابنك اسد من الأسود
كان واقف ف العريش
يحمى يابا الحدود
ابنك مات فدا البلد
عشان تعيش
واحكولو عنى
وعن طيبتى
وسلمولى على
 خطيييبتى
وقلولها سبعك
ف السما عايش
وادولها ذكرى منى
تحتفظ بيها
افرولى وبيادتى
ومعاهم كمان الآيش
وقلولها تفرح
ولا تبكيش
وقلولها راجلك
كان اسد ف الجيش
وقولوا لأمى
ابنك مامتش
ولا إتقتل
ابنك شهيد
ابنك بطل
ابنك شهيد
فدا الوطن
يا امى قومى
خدى هدومى
ولفى بيها ع الجيران
وقولى انا ليا ولد 
كان راجل وكان أسد
مات شهيد فدا البلد
وزفينى يا أمى
ع الملأ
وبدون خوف ولا قلق
قولي ابنى راح شهيد
وقولى لكل الجيران
عمرى ماكنت جبان
ولا لموتى انا ندمان
ياكل اللي تعرفونى
افرحولى 
انا ف جنة الرحمان
ياكل اللي يعرفنى
افرح ولا تبكيش
أنا نولت الشهاده
عشان بلدى تعيش
عشان بلدى تعيش
بقلم/ ابراهيم احمد العزوني