قلبها عاصي .... بقلم الشاعر المبدع أحمد فاروق

قلبها عاصي وكل ما آسي
يزيد عصيان
يقولي انا ناسي وادي حراسي
واقفين دادابان
مش سامحين لي احب وأحس
وأكون انسان
أيوه انا نفسي اعيش الحب بعد
ما عيشت سنين حرمان
بس انا خايفه اقع واطب وأرجع 
تاني للنسيان
أيوه انا عارفه انك أصدق قلب 
قابلته
بس  انا  قلبي قفلت عليه
وكمان حصنته 
وإن يوم قالي سيبيني احب
مش ح اسمع له واقتل راحته
ونبضه كمان
يمكن أكون عايشه لوحديه
يمكن أكون كمان منسيه
بس صدقني ده لمصلحته
يعيش حرمان
قولت يا ناس منها ح اجض
من ردها انا قلبي اتخض
يعني علشان تعبت مره
 مفيش  ثقه ف بحد
قولت يا ناس قولولها بجد
قلبي طارحلها جناين ود
مهما ح تعند مهما ح تبعد
حبي ليها فاق الحد
خلوها تنسي خلوها تأسي
حبي ليها ده سنه وفرض
مهما سقاني سنين أحزان
أحمد فاروق