★ ربي ★ ... بقلم الشاعر المبدع سيد قيصر

عارفه كبير اوي ذنبي.
حاسس به علي ضهري ياربي.
كل حاجه عملتها مُقر بها.
وكل بُعدي. وكل ضعفي  
وكل جُبني .
وكل كلمة حق مانطقتها.
وكل حريه جوايا حبستها.
معترف بتقصيري.
وسوء سيري..
وعارف ان تقاريري .
شريطها طويل.
ومش محمل حد المسئوليه.
لوحدي كل اللوم عليا.
احمل مين المسئوليه.
كلها تايهه الدنيا ديا.
كلنا رسبنا ..
كلنا فقدنا دروبنا.
وانا اول التايهين يارب .
بس انت هديتني للحب.
واهدتني حبيبه تفسيرها صعب.
رجعتني بها للحياه.
وللجمال.
وعالم اني حبيتها .
ووصلت في حبي للكمال.
وانت اللي وهبتها 
كل مايخطر ببال وخيال.
وانت اللي رزقتها.
كل الالوان وكل الاشكال..
لو ذنبي ياربي عظيم.
انت برضو غفور ورحيم.
ارجوك عاقبني بأي شئ.
بس ماتعاقبني بيها.
هي مش بس حبيبتي.
دي دنيتي وكل مافيها.
دي جنتي . حريتي.
دي ضحكتي.
وانسانيتي .
وعبيري ال بيفوقني.
 والحضن ال بيصدقني.
يقيني انك لطيف..
الطف بقلبي وقلبها.وبحبنا.
لو انا العبد الضعيف.
انت دايما   . ربنا.

سيد قيصر