عليم ربي .... بقلم الشاعر المبدع سيد قيصر

 🌘🌒. 
 عليم ربي بجوايا
وعالم ايه تاعبني ايه 
عليم ربي بشكوايا
وعالم شكوتي من ايه.

 تاعبني زمان حارمني لمة الاوطان.
تاعبني مكان لافيه حريه ولا امان.
تاعبني احضان فاقده الطعم والحنان.

تاعبني قهر الانسان. .
تاعبني صراع الانسان.
تاعبني الدوس بالجذم ع الحب.
وتقطيع اوتار الألحان.

نفسي ف لمة كل الأمه وكل الهمه.
نفسي في مجد. نفسي في حب بروح وذمه.
نفسي في حريه بصواب.
نفسي في عدل ابن الخطاب..
ونفسي ونفسي ونفسي.

أضحك.