لما جيت أكتب عن امى ... بقلم الشاعر المبدع ابراهيم احمد العزوني

لما جيت أكتب عن امى
لقبتنى بكتب عن وطن
لما جيت أكتب عن أمى
لقيتنى بكتب عنها
وعن أصالة شعبها
عن حضارة ارضك يامصر
لقيتنى بكتب عن بلادي
عن جدودى وعن ابائى
وعن ولادى
قام القلم زعق وقف
وقالى أكتب ياولد
ولقيتنى بكتب ع البلد
لقيتنى بكتب عنها
وعن حنانها وعطفها
لقيتنى بكتب
عن احتضانها وحبها
عن سماحة اهلها
عن الأرض اللى
حاميها ربها
لقيتنى بكتب عنك يامصر
بعد التحية والسلام
صباح الفل ياست الكل
امى ياأمى
انتى أمى
وهيه امى
انتى حملتى
انتى وضعتى
وهيه  برضه
اصل لرضاعتي
انتى امى زوجة أبويه
وهيه امى ووطن ابويه
انتى جنه وهيه جنه
انتى حضنى وهيه دارنا
اوعى تغيرى من كلامى
أو تغيرى مع احترامى
كلامي حازم لأنك أمى
وهيه برضه مصر امى
أمى ياغاليه
ياجنه ياعاليه
صباح الفل
ياست الكل
و صباح الخير
ياهبة النيل
ولما جيت اكتب عن أمى
لقيتنى بكتب عن بلادى
ولقيتنى بكتب عن وطن
بقلم/ ابراهيم احمد العزوني