( إللي يتجوز بشيك ) .... من إبداع شاعر العامية معوض حلمي

إوعى تسأل  عن  خسيس 
أو  يغرك يوم ...... كلامه
إبعده    وخليك    حسيس
زي  أبوه  معروف  تمامه

إللي  باع   نفسه  رخيص
مستحيل   هايشيل  أمانه
واللي  بيصاحب   خسيس
يرتضي  ذل .....  المهانه

لو  تشوفه  تقول دا شيك
ساب عصمته ف إيد المره
هو   اللي   يتجوز  بشيك
يبقى  إيه   غير   مسخره

النطاعه  ساكنه  ....  دمه
والشعور ميت أكيييييييييد 
والكرامه غايبه   ..... عنه
تجرحه  ينزل  .....  صديد

عاش   حياته   زي   تيس
روح   شمال  روح   يمين
زمبلك  زي ......  الفتيس
عادي  خاااالص   مستكين

الرجولة   ان   كات مبادله
هارتضيها   وابيع    حياتي
وتبقى بعدي في المعادله
عزوتي  في  غربة مماتي 

عزوتي  في  غربة مماتي
------------------
بقلمي الفلاح الفصيح 
معوض حلمي 
منشأة بطاش 
تمي الأمديد 
دقهلية