حاله رفض .... بقلم الشاعر المبدع أحمد فاروق

قلبها فاضي مفهوش نبض
تحسه مجمد كتلة برد
سنين طويله مالهاش عد
رافضة الدفا من أيها حد
تحسه ساعات بيطلع صهد
لما بتنسي أنها واخده قرار بالرفض
أحتار فيها كتير أوقات
أقرب أسمع له دقات
وهي تقولي لأ ده مات
وترجع تاني لحالة الرفض
انا عن نفسي تعبت خلاص 
قلبها صلب ما فيهوش إحساس
تقولش الحب وسواس خناس
بتهرب منه بسورة الناس
تبعد عنه اوام تتخض
وترجع تاني لحاله الرفض
قلبي كان أنهار م الود
تشرب منه حلاوة الشهد
يمكن مره الصخر يلين
ارجع تاني بقلبي حزين
والاوجاع جوايه تهد
بحرها جذر من غير مد
صد وبس ومافيش رد
وأنا مليت من حاله الرفض
أحمد فاروق