بكرة أحلى .... بقلم الشاعر المبدع أيمن موسى

يا للي بتسأل 
وتأخر عليك الجواب
ليه أنا بحبها
وليه قلبي فيها داب
عارف انا مين
أنا اللي عشقت التراب
أنا اللي طيفها 
عني عمره ما  غاب
أنا اللي عشقتها
ورضيت منها العذاب
ولسه بحبها لسه بحبها
            ،،،،،،،،،،
أنا اللي وقت الجد
هحميها وامسك السلاح
وأقول حي علي الكفاح
فداها عمري كله لو راح
هتفضل قمر وأنا المداح
وأصون بدمي عرضها
           أصون بدمي عرضها
               ،،،،،،،،،،،
فداها قلبي وروحي 
دي هى الدوا لجروحي
سبب بكايا ونوحي
هى سمايا أرضي وسفوحي
 أمي وأنا إبنها 
                   أيوه أنا إبنها
             ،،،،،،،،،،،،،
مش هى دي حي علي الفلاح
حتى لو قلبي مليان جراح
ليها دايما جواه براح
ولو قاسيه وطالبه السماح
لو ضلمه أجيبلها الصباح
ما القلب عاشق بيحبها
وحياتي مهرها أيوه مهرها
            ،،،،،،،،،،،،
أنا اللي دمي لييها حلال
مهدور على التراب والرمال
أنا اللي دمعي عليها سال
وكل دمعه لييها ذرفتها 
شايفها بهية  بطرحه وشال
عروسه متحنيه بدم الرجال
شابه وعفيه كيف الجبال
فداها الولد والعم والخال
والغالي يرخصلها 
                الغالي يرخصلها

أيمن موسى