بحسك شبهى بجد .... بقلم قيثارة الصعيد أمنية صلاح

...... بحسك شبهى بجد ......
"""""""""""""""""""""""""""""""""""""""
شعر/ أمنيه صلاح

بحسك كأنك شبهي بجد
مش عارفه لو كان حقيقى بجد 

بشوفك من غير ما أشوفك 

ولو بينى وبينك مليون سد بجد 
ضحكتك بتمحي أوجاعي وآلمى

وفي عز وجعي بتكونلي أطيب حد 
يا حب ساكن وريدى وفى الشرايين 

ياعشق بيهز الكيان ويحرك الجبين 
حبك ده عايش جوايا ومن زمان بحسه بجد

يا أول باب لراحه البال يا أول حب فيه يتقال 
كلام كتير ولا موال يغنينى عنك يا راحه البال

ياحضن دايما بيسعني وبيمحي كل حزنى
يا أجمل نجمة في سمايا أيامى يا ضلى وشمسى

ياحلم حنون عايش جوايه بجد ياضوء أحلامى
بتنورلي كل حياتي ومهما شوفت ظلام من حد

في عز مشاكلي بتقويني ومن الدنيا دي بتحميني 
من كل حاجه بتأذيني لأنك سندى لأنك حب فى لحظه إتولد

هو ده إحساسى بجد  مشفتش فى حياتي غيرك حد دا   
أنت أطيب حد بيغير عليه وبيحتوينى وبيسعد قلبى بجد

  ،،،،،،،،،،،،،،،،،،،،،،،،،،،،،،،،،،، قيثارة الصعيد ،،،،،،،،،،،،،،،،،،،،،،،،،،،،،،