القلب اللى كان .... بقلم الشاعر المبدع جمال الزغبي

القلب اللى كان
مليان رقة وحنان
بيفطّرنى بأغانى
ويعشّينى ابتسام
ويقول للّيل يطول
عشان نفضل نقول
ونفتح فى الكلام
ولا يشوفنا العزول
نجرى ونطلع تلول
ونبعتر فى الهموم
والشمس تقوم تشوفنا
تدّارى فى الغيوم
وبضحكة حلوة صافية
بترمينا السّلام
معْرفشى الوقتى ماله
وإيه الّى جراله
وايه خلّاه يسبْنى
من قبل مايعاتبنى
ويعلن ها الخصام
أخباره عنّى راحت
طفّى نور الوصال
اللهفه فى قلبه ماتت
والحسرة فى قلبى باتت
والقرب خلاص محال
القرب خلاص محال
شعر جمال الزغبى