الشفرة .... بقلم الشاعر المبدع سليم محمد

داري يا ليل شمعك
يمكن ف يوم ينقاد
 علي شباك ‘السيد‘
 او حتي لل...‘عدرا‘
انا كنت زمان... والي
وحبي كان حنبلي
وعشقي ل انسوان 
خلاني م ال كَفَره 
بالحب و...سنينه 

قلبي ورق بفره
يتلف فيه اشواق
 او حب مالحراق
متصاب ب علة وداء
م اللكُحله والنظره
  والضحكه ولو ....صفره

 تشدني فدان
 براحه... م يسعني 
والقرب يمنعني
البعد يوجعني
 القاني ب أطحنّي
 وارميني وسط... الريح 
اصاحب المجاريح
 واتوووه ...... مع العَفره

تلمني الذكري
اسرح مع الفكره 
بالامسِ ....كنا سوا
غَلبنا لييييل الهوي
اقول قلبي عليل
تقول رموشي دوا
نضحك علي ال فارقو
وننادي علي... بكره
احن ليها  القاني.... لساااني
 ف ال......حفره 

تمدلي ايدها
وارفض تقول...قابله
ف اصحي ادان الصبر
اتوضي بُعد وهجر 
انوي صلاة العشق
وقلبها...... القِبلة
ويخدني وجد الحال
 ارتل الاطلال
 تسيل دموع ...وافره

  ياااااا عم
يا عم يا فنان
يلي الغرام لعبتك 
والصبر من حكمتك
تعبت انا ....معافره
حنيني ملوش ملة
واشواقي ......كمان كافره
ف لو بس ف الامكان
 تخدني في سكتك 
اتعلم .....الشفره

بقلمي سليم محمد