بكتبلك بكل الحروف .... بقلم الشاعر المبدع حسن محمد خليل

بكتبلك بكل الحروف
بحبك وبتحدى الظروف
وبعشقك وحلف وطوف
واعلنها للعالم كلوا

حبك مدوبنى مكفينى
محلى دنيتى و سنينى
سقينى حنان و روينى
ومعطرنى بوردوا وفلوا

فى نهاري بحبك بتهنى
وفى ليلى معيشنى فى جنة
وف حلمى معاك بتمنى
سنيني فى حبك يطولوا

بكتبلك بحبك و عاشقك
وبدوب فى حبك وعشقك
ولو خيرونى اختار عشقك
بحبك بعقلى وجنونوا

مفتون بيك ياملاك
لرقة قلبك وصفاك
ولمسة ايدك ودفاك
وبهديك قلبي تعيش فى ضلوا
المهندس حسن خليل