قصيدة باللهجة العامية ...بعنوان ... كسوتنا أحلى الزينات ... بقلم الشاعرة المبدعة ملك الأصفر

بالكسوة إلنا أحباب 
وفيها أهلي وإخواتي 
وفيها قضينا أيام 
شو حلوة يا حياتي 
فيها تربينا أطفال
ولعبنا يومياتي
أنا و  ولاد الجيران 
وكل صحابي ورفقاتي
.................
حجارامن صخر الصوان 
وترابا دهب صافي
وحاراتا أحلى الحارات 
وبيوتا حضن دافي 
فيها جنات الرضوان 
وهواها عذب شافي
وفيها المحبة ألوان
وفيها أحلى القوافي
...................
وكسوتنا أحلى الزينات
جميلة ومتلا مافي
ورح تبقى ست الستات
وغنوة حلوة ع شفافي
ورح تبقى تغرد للخير
والألفة والتصافي
ورح يبقى السلم عنوان
وإسما وشم ع كتافي
....................................
ملك محمود الأصفر