زوجه مبذره....بقلم/ الشاعر ابو مراد

راجل وزى الجدع 
لحد ما اتجوزت 
وبعد شهر العسل 
حسيت بحش الوسط 
هما يومين عشتهم 
وفاتو واتكعورت 
طيب وزى الجدع 
فى الخيبة واتكعبلت 
ياستى عجبك كده 
أفضل فى ديل الناس 
فى الهم طول السنه 
وفى الديون محتاس 
يومين تلاته اربعه 
وأعلن الإفلاس 
وأفضل يوماتى استلف 
والخد يبقى مداس 
والكل بيبصلى 
وكانى شكلى غريب 
فى الدنيا دى كلها 
اللى راكبنى العيب 
وانتى عماله تصرفى 
ما تخلى شىء بالجيب 
وتقولى ربك بيرزق 
واستنى مافى الغيب
ءءءءءءءءء
الشاعر ابو مراد