عيد العماااال.... بقلم/ الشاعر عبد الباسط السياجي

شغال موظف متوظف
                   لل اللاه ياناس من يدينى
وجيوبى دايما تتنضف
                    وتبقى انضف م الصيينى
فى إيجار ونور ومعاه
                    ميه يا عيييييينى  عليه
ضاعت المهيه الشهريه
                   والباقى عمره ما يكفيينى
................................................
رجعت بيتى وبفكر
                    إزاى رااااح أعيييييييش
تمن الخضار بقى زى
                    النااااار واللحمه مافيش
إن رحت يوم أشترى
                    قوووووطه أعمل زيطه
وعشان أجيب كيلو
                    اللحمه لاااااازم بقشيش
................................................
مرااااتى من  سنتين
                     واكتر محتاجه فستاان
وبنتى ماشيه ياناس
                     حافيه طالب إحساااان
شغال كأنى بساقيه
                     بدووور اكتر من تووور
مع إنى مكتوب فى
                     بطاقتى إنى انا إنسااان
.................................................
قالوا هاتفرج وهاتبقى
                      مييت فل وعااااااااااال 
بكره المهيه راح تعلى
                       فى عيييد  العمااااااال
واستنى عام  ووراه
                       اعوام واسمع فى كلام
والحمل فووق كتفى
                      بيتقل إنهد ومااااااااااال
.................................................
شعر عبد الباسط السياجى