قلب ولسان /بلاغة وبيان... بقلم/الشاعر المبدع محمود علي أحمد

الكلام تسمعه أحسن بالبلاغة والبيان  مش طبيعي الشمس تطلع قبل الآوان  

ولا يمكن طبعا الشوك يطرح حنان   صعب الجوامع تفضل من غير آذان 

يعتي كل الدنيا عايشة من زمان   عالوداد كتير وخصام شوية والأمان 

مستحيل القلب ينطق قبل اللسان   إعترف بالحقيقة الشجاعة غير الجنان 

بعيونك كلام كتير ما تقول كمان   مرة واحدة تعيش حر ومش جبان 

شوف بقلبك وافتكر كل اللي كان   ياللي خوفك سيطر عليك خلاك تبان 

أكيد الهدوء بعده دايما يثور بركان   والزلازل في البشر مستحيل تكون نسيان 

فيها الحياة رضا قليل وكتير حرمان   افتحوا الشبابيك شوفوا اكتر والبيبان 

ليه إحساسي دايما اني بدون عنوان   وكنت فاكر مسكني فقلب بنت الجيران 

إذا كنت عايز الدنيا تقول عليك فنان   خلي عطفك زيادة يكفي كتير أحضان 

الطيب فالزمان دا يقولوا عليه غلبان   صاحب القلب الكبير دايما يكون تعبان 

ياللي رفعت الحيطان وعليت بالبنيان   إبني فكر وأدب وحافظ علي الانسان 

المال لو راح صاحب القلوب كسبان   إياك تصبح بجهلك زى عبدة الاوثان 

خليك          صبور يا قلبي أعشق وحب كمان 
محمود علي أحمد