( حل المسأله ) ... بقلم الشاعر المبدع معوض حلمي

مالهاش  لزوم  الأسئله
وكل  حاجه ..... مسجله
والخطاوي....ع الطريق
والحب  حرف  يبل  ريق
يشد   إيدك   لو   غريق
والرحله محسوبه  بقدر
ف ليه بقا نكتر همومنا 
أو  نعكر   صفو   نومنا 
والسعاده  تعادي يومنا
والأماني كتير .... قوي 
بورده ممكن  ... نبتسم 
ونعدي   أصعب  مرحله
أو  بضحكه  .... تترسم
نلاقي حل  .... المسأله
والحياه   مشوار  طويل 
مابين ولاده  وبين رحيل 
نبدر  الحلم .....  الجميل
يطرح    جواب   للأسئله
ف ليه بقا نكتر  همومنا 
أو   نعكر   صفو   نومنا
والسعاده  تعادي  يومنا 
وكل  حاجه ......مسجله

وكل  حاجه ......مسجله
________________
بقلمي الفلاح الفصيح 
معوض حلمي 
منشأة بطاش 
تمي الأمديد 
دقهلية