نزلتينى لسابع أرض .... بقلم الشاعر المبدع جمال الزغبي

دوقتينى طعم الشهد
ونزلتِيني لسابع أرضْ
بعد ماكان الحب ما بينّا
هو الجنّه
وهو السنّه وهو الفرضْ
وبعد ماعشنا احلى ايّامنا
بكل خطوط الطول والعرضْ
وبعد ماكنت انا كل حياتِك
وابتساماتِك حتى آهاتِك
فجْأه لقيتِِك نزلتِِينى لسابع أرْضْ

مََنا كنت أنا اقدر أغدر بيكى
وافتح قلبى لمين تِعاديكى
وفين ملاقيقي
أعمل انى لسه شاريكى
وادارى عليكى
بس انا عمرى مَخُون العَِهدْ

وان كان حٌبى انْشال من قلبِكْ
وعشان كلمه وِكَات من عًندِكْْ
مَنَا يَامَا شربت مرارة حُبكْ
بس بقول أصبر على عِندِكْ
يمكن ياجى ف يوم السّعدْ

  وفضلتى تعاندى وعندك طال
بس انا لسه عندى سؤال
واجابته ياروحى ياريت ف الحال
بعتى الحب خلاص بالمال
ولّا كلام بس بينْقالْ
والحُبّ دا كلّه سراب وخيالْ
وعُمْر ما قَلْبِكْ حَب بجَدْ