يا ساقي ... بقلم الشاعر المبدع محمد عبدالكريم

بقلم محمد عبدالكريم
لهجة جزائرية 

ياساقي 
ياساقي نفوس اهموم علينا تبدل 
وياساقي لرواح بالطاعة ما تبعدناش 
وياساقي لكلام الموزون علينا لا ترحل 
ويا ساقي الحكمة بحكمتك ماتبخلناش 
وياساقي القران لولادنا ليهم اعجل 
بلقران تزها لقلوب وبدعواتك متنسناش
يا ساقي الدروس بيها لينا لا تغفل 
راية العلم زينة والجهل مايعلاش
ياساقي الشعر اقصد بيه  لا تخبل
والهدف بلا بيه القصيدة ماتحلاش
يا ساقي الخمر صكر  ولحوالنا لاتسأل
ويا بايع المسك انشر ولبلادنا ماتنساش
يابايع الورد  بالحزمة قرب وڨبل 
بريحة الورود الخاطر  كلي ماقاساش
اتفكرت  حافظ الامن للعيا يتقبل
ياحافظ تحية ليك  وشكر ماننساش
اسقيتيني يابلاد بحب لايتبدل
ونا بحبي ليك القلب ماعداش
جبل امساعد حالي فيك يتعدل
سياحة وامن في اوطان ماتتليقاش 
ماتقولو خرجت عن موضوع تستغفل 
بحب بلادي  لسان بله مايحلاش
والجزاير زينة لوطان عليها مانغفل 
تسقي لولادها الحب والعز مايخفاش