بالعامية...
أه يا قلبي يا مغلبني
دايما على طول تتعبني
وبمثالياتك غاوي تقرفني
وعاطفي حبتين ومعذبني
════﴿ ✍︎ ﴾════؛
الطيبـة جــــواك شــلال
وتسامـح حتى الأنــدال
ولا تخون العهد لو طال
ولا اتعــوجت الأحــوال
════﴿ ✍︎ ﴾════؛
وأل ايه...
الضمير جواك صاحي
وعن الصح مش
ممكن تناحي
تناجي ربك تقول
اجعل عملي فلاحي
وأكون النفع للناس
وليهم الخير والإصلاح.
════﴿ ✍︎ ﴾════؛
طيب اهدى ياعم حبة
وقول لضميرك ينام حبة
عشـان يـزيد محبـة
لأنه بيتكره لما يحبكها
حبتين بمباديء خايبة
════﴿ ✍︎ ﴾════؛
هتروح فين من سنينك
نيتك صافيـة ودينك
ودايما تتسك على عينك
وعشان بتتفلسف بالحق
أغلبهم دايما كارهينك
════﴿ ✍︎ ﴾════؛
ولو جيت تصلح الكون
يقولو عليك مجنون
انت فاكر نفسك المارد
ولا حتى شمشون
════﴿ ✍︎ ﴾════؛
روح نام واتغطى بلحافك
وانسى ده محدش شافك
وفي الحلم يمكن تلاقي
الحمام واقف على اكتافك
وتقول خير ولا ده انصافك
تشوفه بس في أحلامك
وتصحى تلاقيه اتبخر
وصار مجرد كلام في كلام
ولا حتى صورة في غلافك.
════﴿ ✍︎ ﴾════؛
في ٢٠٢٢/٤/٣٠
════﴿ ✍︎ ﴾════؛
ليست هناك تعليقات:
إرسال تعليق